Jowai, Lber 03: Ka Jingïaseng Samla KJP Synod Mihngi kaba Arphew Ar (XXII), kaba la long ha Balang Presbyterian Moolang Ïapmala District Rymbai Presbytery kaba la sdang naduh 1 tarik Lber kala poi noh sha kaba kut mynta ka sngi U Blei 3 tarik u Lber, 2024 halor ka phang kaba ong “ka jingim ba riewblei haka pyrthei ba mynta”.
Ha kane ka Jingïaseng Synod ki paid riewngeit da ki phew hajar ngut kiba na kylleng ka Ri-Lum Khasi bad Jaiñtia kila wan tuid sha kane ka Jingïaseng ban ïoh mad ïa ka jingpynim da kaba shah skor ïa ka ktien jong u Blei lyngba ki nongkren ha ki Jingïaseng paidbah bapher bapher.
Ïa ka jingïaseng mynta ka sngi U Blei la pynïaid da u Chairman Elect Rev. E. Nongpluh, haka jingïaseng por 10 waje mymstep kum ka dak ban ai mynsiem ïa ki samla pule ka KJP Synod Mihngi kiba la wan shakhmat la pynkup burom ïa ki haki kyrdan jong ka exam SSLC bad HSSLC jong ka MBOSE, kumjuh ha ka Class- X, XII jong ka ICSE bad CBSE 2023.
Ha ka por mynstep la sam ïa ka ktein U Blei da u Rev. R. S. Nongkynrih uba la pynshong nongrim naka shithi sha u Titos 2:5-6, u Pastor ula kyntu ïa ki para bangeit ba kin long kiba ‘Khan Adkar’ ha ka jingim, ka ktien ka thylliej, ka jingjemnud bad ka bor halade. Ula khot kum ki riewngeit ki dei ban don ka jingïadei dur bad ka Gospel U Khrist bad ban don ka iktiar ban jop ïa ki jingpynthame.
Katba ha ka por noh sngi, la sam ïa ka ktien U Blei da u Rev. Dr. H.C.T Sumer uba la pynshong nongrim na ka shithi kaba 2 sha ki Nongkarinth 4:7-8, ha kaba u Pastor ula kren shaphang ka jingim Khristan kaba long tang kum ki khiew khyndew, da kaba u pynsngew “ngin long kiba don dor eiei ruh em khlem U Blei, kumta u kyntu ba dei ban don ïa ki jingnang ïa ka Gospel U Blei ha ka jingim bad ban long ki khiew ki bym lah ban pynlwet.
Da kaba ula kyntu jur ba ka jingsarong ka lah ban pynmih ïa u soitan, kumta u Pastor ula pynkut ïa ka jingkren da kaba buh ka jingkyntu ïa baroh ki riewngeit haba ki ïoh ïa ki Gospel haka jingim ka dei ka bynta ïa ki ban sam lem ïa ka da ka jingieit sha kiwei de.
La pynrhem shuh shuh ïa kane ka jingiaseng da ki jingrwai na ki Choir ha ka por 10 baje mynstep da ka na ka Jingïaseng Samla Balang Kayang, Jingïaseng Samla Balang Nongsning, Jingïaseng Samla Balang Umjalasiaw, Jingïaseng Samla Balang Moodymmai Wah, katba ha ka por 1:30 nohphai sngi da ka Jingïaseng Samla Balang Shnongrim, Jingïaseng Balang Mawbynna, Jingïaseng Balang Moolang bad ka Standing Choir JSKJPSM. Na ka liang ki riew saiñ hima sima ruh kila wan sha kane ka Jingïaseng
Katba ha ka Jingïaseng por 6 shiteng janmiet la sam ïa ka khubor na ka ktien u Blei kaba ïadei bad ka Subject Balang “Ïa ngin ïa nang ïaid shaduh ka jingpynjanai” (Hebru 6:1) la kren da u Rev. F.S. Rymbai.
