Tuid ki paid riew ngeit sha ka Jingïaseng Samla KJP Synod Mihngi ba 21 haka Balang Moodymmai

0

Jowai, Lber 06 : Ka Jingïaseng Samla KJP Synod Mihngi kaba Arphew wei (XXI), ha ka Balang Presbyterian Moodymmai Nein Moodymmai Presbytery kaba la sdang naduh 3 January, 2023 kala poi noh sha kaba kut ha kane ka sngi U Blei 5 tarik halor ka phang kaba ong “Ïengskhem bad Longshlur”.
Ha kane ka Jingïaseng Synod ki paid riewngeit na kylleng ka Ri-Lum Khasi bad Jaiñtia kila wan tuid sha kane ka Jingïaseng ban ïoh mad ïa ka jingpynim da kaba shah skor ïa ka ktien jong u Blei lyngba ki nongkren ha ki Jingïaseng paidbah bapher bapher.
Ïa ka jingïaseng mynta ka sngi U Blei la pynïaid da u Chairman Elect Rev. M. Shylla ha ka por 10 waje mymstep kum ka dak ban ai mynsiem ïa ki samla pule ka KJP Synod Mihngi kiba la wan shakhmat la pynkup burom ïa ki ha ki exam na ka bynta ka snem 2021 bad 2022.
Ha ka por mynstep la sam ïa ka ktein U Blei da u Rev. S.D. Lanong uba la pynshong nongrim na ka shithi ba nyngkong u Petros 2:9, u Partor ula kyntu ïa ki para bangeit da kaba it bha ïalade ba ki long ne em ki nongbud ba shisha jong u Jisu, kata ban aiti ïalade met bad mynsiem da ka jingngeit ba skhem bad ka jingkyrmen ban ïoh ïa ka bainong kaba la pynkhreh.
Katba ha ka por 1:30 janmiet la sam ïa ka ktien U Blei da u Rev. E.K. Mujat uba la pynshong nongrim na ka kitab ba nyngkong samuel 30:8, ha kaba u Pastor ula kren shaphang ki Mawlyngnai jong ki khun Khristan kiba la jan lut namar ka jingshatuh ha ki bor jong ka pyrthei naduh ka jingngeit, ka jingkmen, ka jingsuk, ka jingïadei jong ka jingieit, ka koit ka khiah bala pynsniew da ki jingdih basniew jong ka pyrthei.
Shuh shuh u Pastor u khot ïa ki paid riewngiet ba kin long kiba skhem jingmut haka jingim kata ban don ïa ka ktien jong U Blei ha ka jingim kaba manla ka sngi kaba long ka nongïada ha ka jingïaid lynti kum ki khun Khristan.
La pynrhem shuh shuh ïa kane ka jingiaseng da ki jingrwai na ki Choir ha ka por 10 baje mynstep da ka na ka Jingïaseng Samla Balang Latawor, Jingiaseng Samla Balang Sohkha, Jingiaseng Samla Balang Samatan, Jingiaseng Samla Balang Lad Basic, katba ha ka por 1:30 nohphai sngi da ka Jingïaseng Samla Balang Kairang, Jingïaseng Balang Maskhal, Jingïaseng Balang Moodymmai Ñein bad ka Standing Choir JSKJPSM.
Katba ha ka Jingïaseng por 6 shiteng janmiet la sam ïa ka khubor na ka ktien u Blei kaba ïadei bad ka Subject Balang “Ki Samla Khristan: Ka jingkyrkhu sha ka Pyrthei” (Gen 12:2) la kren da u Rev. R.B. Marpna.

Leave A Reply

Your email address will not be published.