Jowai, Nailar 27: Ka Tyllilang SC Moobakhon ka la jop ïa la ka jong ka jingïalehkai ka lympung phutbol (L) Joybell Suiam Memorial Football League 2026 Second Division bala pynïaid da ka Thadlaskieñ Sport Association, kiba la long hynne ka sngi Palei, 27 tarik u Nailar, 2026 ha madan Wahiajer Multi Sports Complex Stadium.
Na ka bynta ka Tyllilang SC Moobakhon ka la lah ba kan pynliem noh da 3-2 kol ïaka Mainroad SC Wahiajer ban khur ïa ka jingjop.
Ka Tyllilang ka la thep ïa kine ki lai kol lyngba u Wadshwa Shylla (3’), u Finely Rumut (21’) bad u Tireles Rumut (54’), katba ka Mainroad SC Wahiajer la thep da u Heihok Dkhar (12’) bad u Chilang Laloo (23’).
Haba phai pat sha ki ar tylli kiwei pat ki jingïakhun shuwa kane, kaba nyngkong hapdeng ka Thadmusem SC pyrshah ïa ka Myngkrem United, kila poi sha ka jingïakhaid khlem da don ba ïoh ban thep kol (0-0).
Nangta ha ka jingïakhun kaba ar hapdeng ka Madur SC bad ka Lad Mukhla, kine ki kynhun ruh kila poi sha ka jingïakhaid da kaba thep mar 1-1 kol. Ka Madur SC ka la thep lyngba u Wanbait Phawa haka minit ba 52 katba ka Lad Mukhla la thep da u Wadshwa Rymbai.
La pyntip ka jingïakhun mynta ka sngi 28/08/2026 haka por 10 baje mynstep ka Mukhla Sohshrieh pyrshah ïa ka Mainroad Nartiang, haka por 12 baje mynsngi ka Good Will SC Mupliang pyrshah ïaka Thadmynri SC, katba haka por 2 baje nohphai sngi United SC pyrshah ïaka Youth Sport Club Myrsiang.
