Shillong, Nailar 27: Ka Tynring SC bad ka Nongrah SC ki la jop ïa la ki jong ki jingïalehkai ha ka lympung Second Division Football league 2026 ba la pynïaid da ka Shillong Sports Association (SSA), kiba la long hynne ka sngi Palei ha Polo. Baroh ar ki la khur ïa ka jingjop da 3-2 kol.
Ha SSA Ground, ka Tynring ka la pynliem noh ïa ka Lawsohtun SC da 3-2 lyngba ki kol ba la thep da u Biangdor Khyriem (27’) bad ar tylli na u Nelsonroy Mynsong (29 & 58’). Na ka liang jong ka Lawsohtun ka la pyrshang katba lah ban wanphai hynrei ka la ïohlad ban thep tang 2 kol lyngba u Firstmoon Kharkongor (78’) bad u Damitre kynting (89’).
Nangta ka jingïakhun ha MFA Ground, ka Nongrah ka la pynkhihjar tang mar ïa sdang lyngba u Kerionald Pyngrope (1’) shuwa ba ka Lumshyiap kan pynïakhaid
shipor lyngba u Mihlang Mynsong (2’). Hynrei ki ar tylli ki kol ba la thep da u Nathaniel Syiemiong (39’) bad u Mebanjop Kharpor (59’) ki la biang ïa ka Nongrah ba kan khur ïa ka jingjop watla ka Lumshyiap ka la ïohlad ban pynphai sa kawei lyngba u Lovingstar Kharsyntiew (87’).
