Treikam ka ‘Model of Conduct’ ha West bad Eastern West Khasi Hills

0

Mairang, K’lyngkot, 20: U District Election Officer jong ka Eastern West Khasi Hills District, u la pyntip paidbah ba hadien ba ka Election Commission jong ka Ri India ka la pynbna ïa ka elekshon sha ka ïing Dorbar Thaw Aiñ ka jylla Meghalaya bad namar ba ka Model Code of Conduct ka la treikam, yn pyntreikam mardor ïa ki kyndon jong ki aiñ kum ka R.P Act 1951, ka IPC bad ruh kino kino ki rai ne jingbthah jong ka Supreme Court bad ki High Court kumjuh.
Kumta, la kyntu ïa baroh ki paidbah nongthep vote jong ka Mairang bad Mawthadraishan Consti-tuency, ba kin kiar na ka kano kano ka jingshim bad ai pisa, kano kano ka jingshah pynthame, ka jingshah pynbiej ban ym thep vote, ka byrngem byrsit, ka jingthep vote da ka jingsngew niam ne sngew thaiñ bad ruh ka jingpynshlur ïa kino kino ki kam kiba pynïashrut bad wanrah jingkulmar.
Lada don kano kano ka jingpynkheiñ ïa ka Model Code of Conduct, kum ka jingpynpra ïa ki jaka paidbah ne mar paidbah, kano kano ka jingsam pisa ne kiad, kino kino ki jingai sngewbha ne jingtyrwa pisa da ki kyrtong ne ki seng saiñ pyrthei, kano kano ka jingbyrngem ïa ki paidbah nongthep vote, ki paidbah ki lah ban ujor sha ka Complaint Monitoring Cell, ïa kaba la buh ban shim ïa kino kino ki jingujor kiba ïadei bad ka kam elekshon bad kane ka Cell kan treikam baroh arphew saw kynta.
Ki number phone ki long, Control Room +919233270162, Returning Officer 30-Mairang (ST) A/C – 09774876609, Returning Officer 31-Mawthadraishan (ST) A/C-07005170039, District Election Officer-09436310004. La buh ruh ïa ki flying squad ban pynshisha bad ruh ban rejistar mokotduma ïa kino kino ki nongpynkheiñ ïa ki kyndon ba la buh.
Nongstoiñ: Namar ka jingtreikam ka Model Code of Conduct naduh ka 18 tarik na ka bynta ka election sha ka ïing dorbar thaw aiñ ka Jylla, u District Magistrate ka West Khasi Hills u bah Garod LSN Dykes IAS, u la pyntip paidbah ba la pynjari da ka kyndon aiñ 144 CrPc ha baroh ka wei ka District, kaba khang pyrshah ban rah pisa palat ïa ka 50,000 khlem ki kot ki ba biang, ban rah ïa ki tiar pynmynsaw kum ki suloi bad ka jingpyndonkam ïa ki loud speaker ha ki public meeting ne kino kino ki kam election, khlem da ïoh ka jingbit na ki bor ba dei khmih khnang ban ïoh ïaka election kaba khuid bad kaba suba. Kane ka hukum kan treikam noh mardor hadun ban da kut ka election.

Leave A Reply

Your email address will not be published.