Shillong, Jymmang 16: Ka seng Federation of Khasi Jaiñtia & Garo People (FKJGP) kala thung mynta ïa u Bah Dundee Cliff Khongsit kum u Working President bad Bah Eldie Newton Lyngdoh kum u General Secretary ka Seng Kmie.
Ïa kane la pyntip da u President ba rangbah ka seng Bah Wellbirth Rani haba ïathuh ba kane ka jingbhah kam ka dei kaba la leh kum shibynta ban nang pynjanai shuh shuh ïa ka rukom treikam jong ka seng ban shakri ïa ka Jylla bad ka ri bad Jaidbynriew.
Ka FKJGP kadei kawei na ki Sengbhalang kiba la rim ha ka jylla ba la seng da u Bah Sounder S. Cajee.
