Nongstoiñ, Jylliew 5: Ka seng West Khasi Students Union Nongstoiñ pyllun hapoh ka jingïalam u secretary Banshanlang syiemlieh, ka la leit ban pynlong programme lyngkot hapoh ka skul Sib Singh, kum shi bynta jong ka prokram thung dieng ba ka seng ka pynbeit, ha kaba la pynlong ruh ïa ka jingpynkhuid ïa ka phyllaw jong ka skul.
Ka seng ka lah rakhe ïa kane ka sngi pynneh pynsah ïamei mariang ne World Environment Day, da kaba ïoh ruh ban pynlong programme lyngkot da ka jingdon ryngkat lang ki nonghikai, ki khynnah skul bad ki dkhot ka seng.
Na ka skul la ïoh ban ai jingkren lyngkot da I Vice Principal ha ha kaba ïa dei bad kane ka sngi katba na ka liang ka seng la ïoh ban ai jingkren da u bah Mondaystone Lyngdoh halor ki lynti kumno bad pynneh pynsah ïa ka mei mariang.
Na ka liang ka seng ka la ai khublei ïa I Principal jong ka skul I ba la shah ïa ka seng ban ïashimbynta lang ha katei ka program lyngkot bad khamtam eh ïa ki kynnah skul kiba lah ïa shim bynta lang ban thung dieng bad ka long shisha ka jingjop ha kane ka sngi bad khamtam eh ban pynlong ïa ka mei mariang kaba lah ban ai jingkyrkhu ia u khun bynriew ha kane ka sla pyrthei.
