Khliehriat, Rymphang, 18: Haba kren ha ka jingialang ba la pynlong ha shnong Samasi, elaka Sumer, East Jaiñtia Hills District, u President rangbah jong ka Jaiñtia National Council, u bah Sambormi, u la ther ïa ka sorkar jylla bad ong ba ha ka jaka ban pynbha, pynmiat ïa ki surok, ki jingkieng khamtam sha ki thaiñ nongkyndong, hynrei ka sorkar ka thmu pynban ban wanrah da ka lynti rel bad ki karkhana coke, haka jaka ba ka sorkar kan kyntiew ïa ki skul bad ki jaka ai jingsumar ka wanrah pynban da ka jingjakhlia kum ki karkhana coke kiba lah ban pynsniew dur ïa ka District baroh kawei, kum u nongïalam, u kyntu ïa ki nongïalam bad ki dkhot jong ka JNC Sumer Circle ban ieng rangbah ban pyrshah jur ïa kum kine ki jingleh ka sorkar ba horkit hordang ym dei satia ban ailad ba kin jia hangne ha ka thaiñ jong ngi.
Ka Jaiñtia National Council Sumer Circle hynnin ka sngi saitjaiñ ka la rakhe ïa ka jingkynjoh jong ka jingdap saw snem ka Circle, ïa ka prokram la pynlong ha community hall Samasi, elaka Sumer, East Jaiñtia Hills District, ha kane ka prokram la ïa don lang ruh u Waheh Shnong Samasi, u bah Kynmoo Chyrmang, u Assistant Secretary JNC, u bah Allmiki Ryngkhlem, u Publicity Secretary, u bah Mebanteilang Sukhlaiñ, u Finance Secy, u bah Training Phawa, Organising Secy, u bah Lasinme Syad, ki nongkitkam bad ki dkhot ka JNC Sumer Circle bad kiwei kiwei.
Kiba la ai jingkren ki kynthup ruh, u bah Sakilan Chyrmang, u bah Diamon bareh, Allmiki Ryngkhlem bad u Mebanteilang Sukhlaiñ, la pynkup burom ruh ïa ki nongïalam jong ka Circle da u President rangbah, u bah Sambormi Lyngdoh.
Ha katei hi ka sngi, la ioh ruh ban pynthymmai ïa ki nongkitkam jong ka JNC Sumer Circle, ki ban trei na ka bynta u snem 2024 haduh 2029, u bah Sambormi Lyngdoh u la pynskhem ïa ki nongktkam bad ai ruh ka jingkren kitbok kitrwiang ïa ki ba kin nang trei bha shuh shuh ban shakri ïa ka dong ka thaiñ baroh kawei.
Ki nongktkam ka JNC Sumer Circle kiba la jied bad pynskhem, ki kynthup u President, u bah Sakilan. B. chyrmang, General Secretary, u ieidmon Shadap,Vice President, u Hamran Chyrmang, Assistant secretary, u seibor tangliang, Publicity secretary, u Ebanshem chyrmang, Assistant publicity secretary, u risent lamurong, Discipline secretary, u phrangshwa pakem, sports secretary, u Raju chyrmang, Education secretary, u ediwot pasleiñ bad kiwei kiwei, la jied ruh ïa ki dkhot executive.
