Thep kyrteng u Bah Kharkrang ban ïakhun kum u kyrtong ka BJP na North Shillong

0

Shillong, Kyllalyngkot 15: Ka jingkhot ïa ki kyrtong ban thep kyrteng kiba kwah ban ïa khun ia ka MLA election na ka party BJP kala kut mynta ka sngi bad ïa ki kyrteng baroh kin phah sha ki nongïalam jong ka party sha Delhi ban jied ïa ki kyrtong.
U bah M Kharkrang IPS ne u heh pulit ba la shongthait u dei uwei na ki kyrtong uba kwah ban ia khun ïa ka MLA elekshon na 17-North Shillong na ka party BJP. U bah Kharkrang u la thep kyrteng mynta ka sngi lyngba u president ka Mandal u bah Malcolm Najiar bad ïa ka shithi pan tiket la aiti sha u State President u bah Ernest Mawrie da u President ka Mandal.
Ha kane ka jingthep kyrteng la don lang u Dipayan Chakraborty, u bah G S Nongbet State General Secretary bad u Shewan Jhunjhunwala ba bat ïa ka pla pisa ka party BJP ha jylla, nalor kitei la don ruh kiwei kiwei ki nongïalam ka party BJP.
Ha kane ka jingleit ban buh ïa ka shithi pan tiket la synran lang ruh ïa u bah M Kharkrang da ki nongïalam ka BJYM, Mahila Morcha ka North Shillong lem bad ki nongïalam napoh ka konstitwensi ban pynpaw ïa ka jingkyrshan jong ki ïa u bah Kharkrang ba kwah ban ïa khun na ka BJP.
Na kane ka Konstitwensi kiba pan tiket ki don ar ngut nalor u bah M Kharkrang u don ruh sa u bah Micheal Kharsyntiew, ha kine ki sngi kala paw shai ba kine ki ar ngut kila trei la ka kam ban pan ïa ka jingkyrshan na ki paidbah ha ka kyrteng ka BJP.

Leave A Reply

Your email address will not be published.