Shillong, Iaïong 01 : Ka ïing Dorbar Thawaiñ ka jylla ha ka dorbar mang tyngka kaba dang shu dep kala pynlait ïa ka jingpan pisa shuh u myntri ka tnad ka kit ka bah (Transport) jong ka jylla u bah Sniwbhalang Dhar ha kaba ïadei bad ka jingpynlut ha kaba plie ïa ka ISBT Mawiong da u myntri kam poh ïing ka sorkar pdeng u Amit Shah kaba la kot sha ka 43.83 lak tyngka.
Lah ban pynkynmaw ba ïa ka ISBT kaba don ha Mawiong rim la wan plie da u myntri kam poh ïing ka sorkar pdeng ha ka 24/7/2021 bad ka jinglut ban pynkhreh ïa kane ka jingplie ïa katei ka jaka ïeng Bus ba wan nabar jylla ka la kot sha ka T.43,83,930 lak tyngka.
Ka ïing dorbar kala pdiang ïa kane ka jingpan pisa kane ka long ban pynbeit ïa ka jingpynlut namar ïa ka pisa la dep ban shim bad kane ka jingpan pisa shuh ka long ban pynbeit ïa kaba la dep ban pynlut.
