Jowai, K’Lyngkot 16: Ka Dorbar Shnong Sohmynting, West Jaiñtia Hill District lyngba u Waheh shnong bad ki dkhot Executive Committee haka jingïalang bala pynlong haka 11 tarik mynta u bnai kala shim iaka rai ban pyntip paidbah kano kano ka jingïalang election kam shah ban pynlong haki dong ki shat, hynrei dei ban pynlong beit haka Dorbar Hall jong ka shnong.
Naka liang ka dorbar shnong ka pdiang sngewbha ïa baroh ki Candidate ka 2-Jowai Constituency ba kin pan jingbit naka Dorbar Shnong ban pynlong jingïalang ha Dorbar Hall ha kano kano ka por. Ka daw bala rai ban pynlong jingïalang tang ha Dorbar Hall dei ba ka shnong ka pyrkhat ïaka bha ka miat jong ka shnong ka thaw ha kiba bun ki liang, kumjuh ruh naduh ka khuid ka suba.
Kumta ka Dorbar Shnong ka kyrpad ruh ïaki nongïalap Election ban burom ïaka rai jong ka shnong da kaba ïatreilang naka bynta ka bha ka miat.
