Shillong, Nailur 22: U Bah Paul Lyngdoh Myntri ka tnad Tourism, u la ïathih ha ïingdorbar Thawaiñ mynta ka sngi ba ka sorkar ka la mang ban pynlut 8.49 Klur tyngka na ka bynta ka Cherry Blossom Festiab mynta ka snem.
Ïa kane u Bah Paul u la ïathuh ba ha por ba ba jubab ïa ka Zero Hour Notice ba la wanrah da u Bah Adelbert Nongru, MLA ka North Shillong mynta ka sngi kaba dei artad ka sngi ba kut jong ka Dorbar Synrai.
ia kane u la ong ba ka festival kam dei kaba la bei tyngka beit da ka sorkar hynrei kadei kaba ioh jingkyrshan na ki kompeni bad na ka jingdie ia ki ticket ruh. U Myntri u la iathuh ruh ba ka jingmang tyngka ka la don ruh halor kane ka festival ia kaba lah ban lap ha ka head 104, kaba mang 1.99 Klur, katba ka jingpynlut kan long 8.49 Klur kaba mut ka festival ka hap ban pynmih hi nalade sa 6.49 Klur tyngka da kaba die ia ki ticket bad ka jingiarap na ki kompeni.
U la pynshai ruh ba wat lada kane ka jigpynlong ïa ka Cherry Blossom Festoavl kam shym la paw la ka jong ka head ha ka Budget, hynrei ka la don ha ka head 104 kaba la mang na ka bynta ki Festival ha kaba la mynjur ruh da ka ïngdorbar ha bnai Lber mynta ka snem.
U Bah Adelbert Nongrum haba wanrah ïa kane zero hour notice ban wad jingshai halor ka jingthmu ka sorkar ban pynlong ia ka cherry blossoms festival naduh u naiwieng mynta ka snem. U MLA ka North Shillong u kwah ban tip nangno ka sorkar kan ioh pisa ban pynlong ia kane ka tamasa kaba la thmu ruh ban pynlong shabar ri kata sha Thailand. Ka daw ba u Bah Adelbert u kylli kumne kadei namar ba ha ka budget ne ka jingnang pisa mynta ka snem ym shym la pynpaw ei ei bad wat ha kane ka dorbar Synrai ba mynta ruh ym shym la pynpaw ei ei.
