Shillong, Risaw, 27: Kawei ka taksi kamai bym lah satia ban iohi ia u registration number ka la phetkrad tang shu syllad ia kawei ka Maruti Van kaba don ia u registration Number AS01 AG 8909 ha lad Umsaw, Umiam, Ribhoi District kaba kit ia ki khynnah skul jong ka Mary Land kaba don ha Lad Sharai Mawlein, ban leit buh ia ki sha ka iing ba ki sah ha ka shnong Umsawlum ha ka por ba ki la wai skul.
Kane ka la jia ha ka sngi Thohdieng ha por kumba 3:30 baje nohphai sngi.
Ha kane ka jingjia, ki khynnah skul kiba shong hapoh kane ka kali maruti van kaba la kylla khongpong, ki la lait thaw na ka jingmynsaw hynrei lait noh tang u nongniah jong kane ka kali u Bah Bhakupar Kharbani uba la mynsaw na ki bynta jong ka kti.
Tang hadien katto katne por la wan poi ki Pulit jong ka Ribhoi District ban tohkit halor kane ka jingjia bad ban buddien ia ka kali kaba la syllad ia kane ka kali Maruti Van.