Shillong, Risaw 27 : U Myntri ka tnad pule puthi ka jylla u Rakkam A Sangma mynta ka Sngi Thohdieng u la ong ba ka sorkar kan pyrshang ban pyndep lut nadong shadong ïa ki jingpynkhreh na ka bynta ban thung ïa kumba 1500 ngut ki nonghikai Lower Primary (LP) bad Upper Primary (UP) la kumno kumno ruh shwa ka Khristmas.
U la ïathuh ba ka sorkar ka la dep buh tarik na ka bynta ban pynlong ïa ka interview na ka bynta ka Meghalaya Teachers’ Eligibility Test (MTET) ha ka 15 tarik u Naiwieng na ka bynta bant thung ïa ki 1,200 ngut ki nonghikai Lower Primary bad kumba 300-400 pat ha ki Upper Primary skul ha baroh kawei ka jylla.
“ Na ka bynta ki LP ka interview kan long beit 15 tarik Naiwieng 2023 bad ngin pyrshang ban pyndep nadong shadong shwa ka Khristmas bad shwa ka Khristmas hi yn pyndep ka jingthung kam ïa kito kiba pass ïa ka interview” ong u Rakkam.
