Shillong, Nailur 11: Ka jingïalehkai jong ka lympung SSA U-20 4th DIVISION Football League 2023 kaba la long ha madan 3rd Ground hynne ka Lah Sngi U Blei, ka la jam sha kaba kut ha kaba kawei ka jingïakhun ka la ïakhaid katba ka Mawlyngngad SC ka la ïoh ïa ka jingjop.
Haba phai sha ka jingïalehkai kaba nyngkong kaba la sdang ha ka por 3:15 nohphaisngi,ka Mawlyngngad SC ka la pynliem da 2 kol ïa ka Mawkriah West SC. ïa kine ki ar kol la thep da u Nathaniel Kharbangar (26 min) & na u Banskhembok Warshong (70 min). Haba phai sha ka jingïakhun kaba la long ha ka por 4:45 janmiet, ka Mawnianglah Youth SC bad ka Risa Colony SC ki la ïasam mar shi point naba ïakhaid da 1-1 kol. Ka kol na ka bynta ka Mawnianglah Youth SC la thep da u P. Nongkhlaw (62 min), katba ïa ka Risa Colony SC la thep da u Peterstone Lamare (52 min).
Ka jingïalehkai mynta ka sngi kan sdang beit ha ka por 3:15 nohphaisngi, ba nyngkong hapdeng ka Mawlynrei SC pyrshah ïa ka Madan S&CC, bad ka ar hapdeng ka Umrynjah SC pyrshah ïa ka Dilingiem YSCWA.
