SHILLONG, Jymmang 25: Ka Umiew S&CO bad ka Seila Sap F&CC ki la jop ïa la ki jong ki jingïalehkai jong ka Group E ha ka lympung U-20 Fourth Division Football League 2026 ba la pynlong da ka Shillong Sports Association (SSA) kiba la long hynne ka sngi Nyngkong ha madan MFA, Polo.
Ka Umiew S&CO ka la pynliem noh da 1-0 kol ïa ka Summit Academy ha ka jingïalehkai ba nyngkong. ïa kane ka kol la thep da u Jesperson Nongkhlaw (75’) ha ka kylla miet shuwa ban kut ka por.
Kumjuh ruh ka Seila Sap F&CC ka la jop da 1-0 ïa ka Diengpasoh SC, bad ïa kane ka kol la thep da u Rishanskhem Langstieh (48’).
Ha kane ka sngi Ba-ar, kin don ar tylli ki jingïalehkai ha ka Group F. Ha ka por 1 baje mynsngi ka Pommura SC kan aireng pyrshah ïa ka Gorkha Association, bud sa ka jingïalehkai ha ka por 4 baje janmiet hapdeng ka Iateilang SC pyrshah ïa ka Laitlyngkot SC.
