SHILLONG, Naitung 03: Ka Iaitylli SC bad ka Golflink SC ki la jop ïa la ki jong ki jingïalehkai Pre Quarter jong ka lympung U-20 Forth Division Football league 2026 ba la pynïaid da ka Shillong Sports Association, hynne ka sngi Thohdieng.
Ka Iaitylli ka la lah ba kan pynliem noh da 3-0 ïa ka Them Rangshken SC ha ka jingïalehkai ba nyngkong, ha kaba u Justwellborn Kharbani (39 & 57’) u la pynkhihjar ar sien, bad u Banbishar Mawlong (41’) u la thep kawei.
Kumjuh na ka bynta ka Golflink SC, ka la mad ïa ka jingjop kaba da 3-0 pyrshah ïa ka New Challenger FC. U Ricky Rani u la thep ïa ka kol ba nyngkong ha ka minit kaba 4 jong ka kylla step shuwa ba u Dibian Suting (11 & 65’) da kaba pynkhihjar ar sien.
Ka prokram ïalehkai Pre Quarter jong ka SSA U-20 4th Division 2026 ha kane ka sngi Saitjaiñ (04.07.2026) kan sdang ha ka por 1 baje mynsngi hapdeng ka Laitlyngkot SC pyrshah ïa ka Weilyngkut Area FCC; nangta ha ka por 4 baje janmiet ka Seila Sap FCC kan aireng pyrshah ïa ka Nongkseh United FC. Baroh ar tylli ki jingïakhun kin long ha madan First Ground-SSA Stadium.
