SHILLONG, Nailar 07: Ka Lawmali Pyllun SC ka la ïoh ban khur ïa ka jingjop da ka said hynne ka Sngi ïa ka Lumdiengjri SC ha ka lympung Third Division 2024 ba la pynïaid da ka Shillong Sports Association, ha SSA Ground, Polo.
Haba phai sha ka jingïalehkai, ka Lawmali Pyllun SC ka la pynliem ïa ka Lumdiengjri SC da 1 kol, bad ïa kane ka kol la thep da u Baristar Khyriem tang ha ka minit ba 6 jong ka kylla step.
Haba phai pat sha ka jingïakhun ha ka Sngi Ba ar, ka Umpling SC ka la pynliem noh da 2-1 ïa ka Mawkriah West SC ha ka jingïalehkai na ka Group C jong ka SSA Third Division 2024 ha SSA Ground, Polo.
Ka Umpling SC ka la pynkhihjar nyngkong na u Adony Riwan tang hadien 1 minit ba la ïaid ka por, bud sa ka kol kaba ar na u Bushel Lyngshiang ha ka 20 minit.
U Honour Nongbri u la ïoh ban pynphai shi kol na bynta ka Mawkriah ha ka 75 minit hynrei u khlem shym la ïohlad ban pyllait ïa ka kynhun na ka namrem.
