Shillong, Naiwieng 10: Ka jingïakhun qurter final kaba lai jong ka lympung SSA 3rd DIVISION Football League 2023 kaba la long hynne ka sngi ha madan 1st Ground SSA Stadium, Polo ka la jam sha kaba kut ha kaba ka Mylliem Lum Sc ka la khur ïa ka namjop ban bteng ïa ka lynti ïaid sha ka semi final.
ïa kane ka jingïakhun la sdang ha ka por 2 baje nohphaisngi bad ka jingïalehkai ka la long hapdeng ka Mylliem Lum SC pyrshah ïa ka Nongmensong SC, ha kaba ka kynhun lehkai jong ka Mylliem Lum SC ka la jop da 2 kol.
Ka namtam ha kane ka jingïakhun ka la leit sha u Elias Nongsiej u ba la thep ïa baroh ar kol na bynta ka Mylliem Lum SC ban pynïoh namjop. U la ïoh ban pynkhihjar nyngkong ha ka minit ba 20 bud sa ka kol kaba ar ha ka kylla miet ha ka minit ba 57.
Yn pyndep ïa ka jingïakhun quarter final ba khadduh jong kane ka kyrdan mynta ka sngi hapdeng ka Tynring SC pyrshah ïa ka Nongkseh SC ha ka por 2 baje nohphaisngi, ha 1st Ground SSA Stadium, Polo.
