NEHU Inter College: Mynta ka jingïakhun final hapdeng ka St. Anthony’s College bad ka BBS College

Shillong, Naiwieng 10: Ka NEHU mynta ka sngi kan sa ïoh ban khylliap pyrda noh ïa ka lympung ïalehkai kriket kaba la tip da ka Inter College Cricket (Men) Tournament 2023, ha kaba ka jingïaknieh namlahduh kan long hapdeng ka St. Anthony’s College pyrshah ïa ka BBS College.
ïa kane ka jingïalehkai yn pynlong naduh ka por 8:30 baje mynstep.
Kumban shu pynkynmaw, ka St. Anthony’s College, ka la ïohrung sha ka final hadien ba ka la pynliem noh ïa ka NEHU, Shillong da 53 ron ha ka jingïakhun semi final kaba la long hynnin ka sngi.
Katba na ka liang jong ka BBS College ka la ïohrung sha ka final hadien ba ka la pynliem ïa ka NEIAH, Shillong da 7 wicket ha ka jingïakhun semi final kaba ar kaba la long hi hynnin ka Sngi Palei.
La sdang ïa kane ka lympung naduh ka 9 tarik Naiwieng bad mynta ka sngi ka NEHU kan pynhap pyrda noh ïa kane ka lympung bad ïa ka final kan long hapdeng kitei ki ar kynhun ba la kdew haneng.