Shillong, Naitung 12: Ka Lumparing SC, Sanmer SC bad ka Umpling SC ki la jop ïa la ki jong ki jingïalehkai jong ka lympung Third Division Football League 2026 ba la pynïaid da ka Shillong Sports Association (SSA).
Ha ka jingïakhun Relegation Zone ha SSA Stadium, ka Umpling ka la pynliem noh da tang 1-0 ïa ka Umphyrnai. Kane ka kol la thep da u Banteilang Sangma (18′).
Nangta ka Lumparing SC ka la jop suk haduh 4-0 ïa ka Kharang SC ha kawei pat ka jingïakhun Relegation Zone. U Joslang Lyngkhoi (7′, 44′) u la pynkhihjar ar sien, katba u Kevinson Warbah (55′) bad u Riskhem Syiem (80’+3) ki la thep mar kawei.
Nangta ha ka jingïakhun Super 8, la sakhi ïa ka Sanmer kaba la pynjemkhnap ïa ka Lawmali Pyllun SC da 3-0.
Ki kol la thep da u Damanskhem Thabah (13′), u Roshon Thapa (32′) bad u Bryan Kharbudnah (69′).
Ka prokram ïalehkai ha kane ka sngi Nyngkong:
Por 1 PM:
Mawlynrei pyrshah ïa ka Iaitylli ha MFA Ground
Mawkasiang pyrshah ïa ka Lamlynti ha SSA Stadium
Por 4 Pm:
Umiew Maw U Sam pyrshah ïa ka Pomlakrai ha SSA Stadium
