Sngewlem ka MGSPHSVA ba khladnoh u kurim ka Kong Angela

0

Shillong, K’lyngkot, 25: Ka Meghalaya & Greater Shillong Progressive Hawkers and Street Vendors Association (MGSPHSVA) ka la pynpaw ïa ka jingsngewsih halor ka jingkhladnoh kyndit jong u Tarun Bhartiya ha ka sngi Saitjaiñ.
Ha u kyrwoh ba la phah da u General Secretary ka seng u Bah Shane Thabah u la ong, “u Tarun u dei u paralok, u nongaibuit ba shaniah, u païa bakhlaiñ jong ka Association bad baroh ki dkhot, naduh ba la pynkha ïa ka kynhun bad bun ha ki jingïaid lynti kiba jwat bad ki jingïaleh.”
“Ka jingkhladnoh jong u ka la long ka jingduh kaba khraw ïa ka Association bad ym don kyntien shuh ban pynpaw ïa ka jingkhladnoh jong u na ngi. Ka Association ka phah ïa u kyrwoh jingsngewlem sha ka Kong Angela Rangad bad ïa ki khun ki kti. Ka Association kan ai ruh ïa ka kti kamon kti kadiang bad ka jingkyrshan sha ka longing kum ha kane ka por ba u lyoh badum u la kah ïa ka ïing ka sem baroh kawei,” la bynrap shuh shuh u kyrwoh.

Leave A Reply

Your email address will not be published.