Shillong, K’lyngkot : U MLA ka Mawlai u Bah PT Sawkmie ha ka sngi Palei ba la lah u la kynthoh tyngeh da kaba ong ba ka sorkar ka la shu kular kai ïa ki paidbah ban weng ïa ki briew kiba shong basah ha them metor, ka bym shym la urlong tad haduh kine ki sngi.
U Bah Sawkmie u la pynmih ïa kine ki kyntien ha ka jingïalang ai work order, ai shuki na ka bynta ban buh haïing shnong ba la ai da ka skhim u MLA, ai top syntek bad sam nep syaid sha ka dong Lumheh, ka dong ba dang mih thymmai ha shnong Mawsiatkhnam.
Nalor kata ula kynthoh ruh ba ïa ki briew lajong ka sorkar kaba la ïalam da ka NPP kam kheiñ snep, katba ïa ki kharmetor kiba sah ha them motor, ka sorkar ka kular pynshna ïing ia ki, ym tang ba shna ïing, hynrei ai ruh ia ki song pisa na ka bynta jong ki.
U la bynrap ba kane ka sorkar NPP ka pyrkhat bha ïa u kharmetor ban ïa ka jaidbynriew, kumta u kyntu horkit hordang kim dei ban pynjop ïa ki kyrtong ka NPP.
Ha kane ka sngi la ïoh ruh ka jingkren na Rangbah Shnong Mawsiatkhnam bah PS Wahlang, na secretary shnong bah KW Lynrah, na bah Homer Kharkongor, President UDP Mawlai Circle, na Deacon P. Jyrwa bad kiwei kiwei.
