Shongshit ka rynsan ïalehkai Wrestling ha sngi kut jong ka NEOG

0

Shillong, Naiwieng 16 : Ka rynsan ïalympat lane Wrestling ha ka sngi ba khatduh jong ka 2nd North East Olympic Games 2022 ka la long kaba shongshit bha.
Ha ka thupWrestling Freestyle kiba 79 kilo, ka Arunachal Pradesh ka la ïoh ban khur ïa ka takma ksiar lyngba u Janwang Khimhuin. Utei u rangïalehkai ka Arunachal ha ka kylla kaba khatduh u la ïoh ban knieh ïa ka nam lahduh kaba pynlong ïa u Abishek Adhikari jong ka Manipur ban ïoh ïa ka takma rupa katba ïa ka takma rnong pat la ïoh ban khur da ki ar tylli ki jylla kata sha u R. Vanlalnghaka jong ka Mizoram bad Venu Vadeo jong ka Nagaland.
Ha ka thup Wrestling Freestyle jong kiba 86 kilo, u N. Tyson Singh na Manipur u la khur ïa ka takma ksiar hadien ba u la lah ban pynliem noh ïa u rang ïalympat jong ka Mizoram u RB LalthanSangaha ka jingïakhun final. Kumta ïa ka takma rupa la ïoh da ka Mizoram katba ïa ka takma rnong pat la ïoh da ki ar tylli ki jylla kata u Gautam Narzary jong ka Assam bad u Miren Tayeng jong ka Arunachal Pradesh.
Kiba ïoh khur takma ha kane ka sngi ha katei ka lympung ki long, Manipur kawei ka takma ksiar bad kawei ka rupa, Arunachal Pradesh kawei ka takma ksiar bad kawei ka takma rnong, Mizoram pat ka ïoh kawei ka rupa bad kawei ka rnong bud sa ka Nagaland bad Assam mar kawei ka takma rnong.

Leave A Reply

Your email address will not be published.