Shillong, Risaw 27: Ka Meghalaya High Court ka la shim halade ïa ka sakhi ban buh jingthoh halor ka 33rd interim report ba la mudui da ka Justice BP Katakey (Retd) Committee, kaba la khmih ïa baroh ki jingpyntreikam jong ki hukum ba ïadei bad ka kam tih dewïong beaiñ ha ka jylla.
Ka kaiphod, ba la aiti ha ka 24 tarik u Risaw 2025, ka dei shi bynta na ka jingpynïaid kam suo motu ba dang ïaid ba la sdang da ka Ïingkashari ha u snem 2022.
“Kane ka Thirty Third Interim Report ne ka kaiphod ba shipor kaba 33 ka tarik 24.10.2025, la dep ban file da ka Committee u Hon ‘ble Mr. Justice BP Katakey (Retd.), bad ïa kane kajuh la shim kum ka sakhi bad buh ha ka jingthoh,” ong ka hukum ba la pynmih da ka bench ba kynthup ïa u Justice HS Thangkhiew bad Justice W Diengdoh ha ka sngi Nyngkong.
Ka meij ne ka bench ka la shim ruh ïa ka status report ba la file ne mudui da ka sorkar jylla kaba la aiti ha kane ka sngi.
Ha kawei ka liang na ka daw ka jingbym don u Advocate General, ïa kane ka kam la pynjlan haduh ka 3 tarik u Naiwieng, 2025.
