Nongstoiñ, Rymphang 22: Kumba ka paw na ka jingpoi ki nongthep vote ha West Khasi Hills, ki kynthei ki kham shimkhia ban ki shynrang ha baroh ki lai Constituency kiba don ha ka District.
U Bah V.Swer ADC haba ïakren bad u nongthoh khubor, u la ong ba ha Nongstoiñ Constituency ka jingpoi ki nongthep vote ka long 71.55 percent. Kata ki shynrang 67.30 percent katba ki kynthei 75.69 percent.
Ha Rambrai Jyrngam Constituency ka jingpoi ki nongthep vote ka long 76.92 percent. Kata ki shynrang ki poi 72.85 katba ki kynthei ki poi 81.08 percent.
Ha Mawshynrut Constituency baroh ki nongthep vote ki poi 74.55 percent. Kata na ka liang ki shynrang ki poi 71.60 percent, katba ki kynthei ki poi 78.03 percent.
Na ka liang u Bah Nongbri ADC Eastern West Khasi Hills, u la ong ba ha baroh ka District kiba poi thep vote ki long 81.07 percent. U la ïathuh ba ha Mairang ka jingthep vote ka long 81.82 percent, katba ha Mawthadraishan ka long 80.32 percent.
