Shillong, Risaw 02 : Ka tnad Social Welfare Department lyngba ka office jong ka District Social Welfare Officer, East Khasi Hills , Shillong, ryngkat ka office jong ka District Medical & Health Officer, East Khasi Hills, Shillong ka la rakhe ïa ka sngi burom jong kiba la noh ka rta lane ki tymmen ki san (International Day of Older Persons) ha ka ha ka 01 tarik u Risaw 2022 ha Mawkdok Community Hall Laitkroh Khatarshnong C& RD Block.
Shwa jong katei ka prokram ka la don ruh ka jingai jingsumar ei ïa ki nongshong shnong ha kaba ki doktor bad ki nos na Swer PHC ki la wan naduh ka por 9:30 baje mynstep ha kaba ki don bun bha ki nongïashimbynta kiba la wan sha katei ka sngi.
Ïa ktei ka prokram la wan plie pyrda da ka Kong J Shabong, Chairperson Child Welfare Committee, East Khasi Hills District kum ka Kongsan. na ka liang ka Health Educator na DM&HO, Kong O Sumer ka la kren ruh halor ka koit ka khiah kaba ïadei bad ki tymmen ki san.
La ïoh ruh ïa ka jingkren na ka Kong D.Thangkhiew, LAC, District Legal Aids Services Authority kaba la pynshai halor ki aiñ ban ïada ïa ki tymmen ki san. La don ruh ka jingpynkup burom kyrpang ïa i wei na ki riewtymmen iba la dap 102 snem ka rta iba dei na ka shong Laitlyngkot ba la tip kyrteng kum i Meirad Klin Kharbuli . La ïoh ruh ïa ka jingkren na ka Kong B.Hek, CDPO, Laitkroh Khatarshnong ICDS Project.
Ka la don ruh ka jingpynkup burom sha baroh ki tymmen ki san kiba wan sha katei ka jingïalang. Kane ka long katkum ka kyrwoh ba la phah da ka District Social Welfare Officer jong ka East Khasi Hills District, Shillong
