Nga hap ban ïakhun pyrshah ïa bun ngut ki radbah ha North Shillong: Kong Elgiva

Da ka skhim man ki longïing lada jop

0

Shillong, Risaw 02 : Ka kyrtong jong ka Trinamool Congress na Shillong North, Kong Elgiva Rynjah ka la ong ba mynta ka kynti ka hap ban ïa khun pyrshah ïa bun ngut ki radbah ha kane ka elekshon MLA kaban long shen ha u 2023.
Katei ka longkmie ka la ong ruh ba na Shillong North ki kyrtong kiban aireng ki kynthup naduh ki ophisar, ki heh pulit bad kynthup ïa u MLA ba mynta Bah Adelbert Nongrum.
Haba kren bad ki lad pathai khubor hadien ka prokram jong ki samla Trinamool ha Laitumkhrah, ka Kong Elgiva ka ong ruh ba ha ki 10 snem ba ka la don ha ka saiñpyrthei ka la ïohi ba ki paidbah ki la thrang ban ïoh noh ïa ka jingkylla.
“Haba nga ïaid sharum shaneng, khlem da pynksan ïalade nga ïohi bun ki jingduna, ki jingsniew ki la nang wan bad kumta kadei ka kamram jongngi kum ki nongshong shnong bad ki trai jaka ban ïada ïa kata da kaba jied noh ïa ka lynti jong ka jingkylla lyngba ka TMC,” ka la ong haba kren bad ki lad pathai khubor hadien ka prokram jong ki samla TMC ha Laitumkhrah.
Ka ong ruh ba kitei ki jingkylla kiba kum ka kyrtong ka kwah ban pyntreikam lada ka jop ka long ban pynpoi ha ka constituency ka long ban tuklar nyngkong eh ïa ka jingkyrduh kam ki samla ba la nang la stad. Ka ong ruh ba kum ka longkmie ka pynshlur ïa ki samla pule kiba ieh shiteng ïa ki jingpule ba kin bteng ban pyndep .
“Ngam kwah ban kular ïa ki samla ban pynthep kam kumba long kiwei hynrei ngin wad da kiwei ki lad ban plie ki lad ki lynti ïa ki,” ka la ong da kaba pyntip ba tang shu kut ka puja kin sa plie noh ïa ka jaka ai jinghikai computer kyrpang na ka bynta ki samla ka thain.
Haba jubab halor ka jingkylli, ka Kong Elgiva ka ïathuh ba ka thrang ban wanrah da ka skim man ki longiing lada ka ïoh ban mihkhmat kum ka MLA bad ruh ban peit kyrpang wat na ka byntaka bit ka biang ki kynthei khamtam eh ban ïada ïa ki na bun ki jingsniew kiba don ha ka jylla.

Leave A Reply

Your email address will not be published.