Shilak tylli ki tyndong lyer shet buh thong ka sorkar pdeng ban pynioh ha EKH District

Shillong, Nohprah 123: Ka Deputy Commissioner jong ka East Khasi Hills District ka kong R M Kurbah ka la ïathuh ba ka sorkar pdeng ka la buh thong ban pynïoh tyndong lyer shet thymmai shilak tylli ha East Khasi Hills District bad la dep ban bthah ïa ki nongïalam shnong ba kin pyntip ïa kane sha ki paidbah.
Haba kren ha u nongthoh khubor ka kong Kurbah ka la ong ba kane ka long tang ha East Khasi Hills District, ka la kyntu ïa ki paidbah ba kin shim ïa kane ka kabu namar ka sorkar ka ai ei ban shim thymmai tang shisien kane ka long ban pynneh pynsah ïa ka mariang.
Ka jingeh kaba khraw tam mynta ka long ban ïaleh ban pynneh pynsah ïa ka mariang ban lait na ka jingpom pathar ïa ki dieng ki siej, da kaba pyndon kam ïa ka lyer shet kan ïarap shibun ïa ka mariang ban ïaleh ban pynïaid biang ïa ka mariang kaba khuid.
Na ka liang ka DC ka East Khasi Hills District ka kyntu ïa ki paidbah ban shim ïa kane ka kabu kaba dang ïoh ei ban shim thymmai ban ïoh ïa ka tyndong lyer shet kaba thymmai kum ka jingïatreilang ban ïada ïa ka mariang na ka jingjot.
Ka jingeh kaba khraw tam kaba ïa kynduh mynta ka long ba kumno ban ïada ïa ka mariang bad kane ka dei kawei na ki bynta ban ïada,haba la pyndonkam ban shet da ka tyndong lyer ka la duna ka jingpom ïa ki dieng ki siej haba pyndon kam haba shet jingshet, kane ka long kawei na ki lad jingïada.