Jowai, K’Lyngkot 20: Ka Dorbar Shnong Loomiongkjam Jowai ha ryngkat ka tnad pulit ba pynïaid kali (JTB) kila pynlong ïa ka jingleit jurip ïa ka surok shnong khnang ban wanrah ka jingkylliud ha ka ïaid ka ïeng jong ki kali ki mator.
Kine ki bynta bala pynbeit thymmai ïa ka rukom ïaid ki kali mator ki kynthup na Aitnar sha Pohmusiang kiba dang hap hapoh u pud u sam jong ka shnong Loomiongkjam, ha kaba ki kali kin ïaid noh tang shilliang “One-way” bad ïa kane yn pyrshah na ka bynta shibnai ka ban sdang naduh ka 23.01.2023.
Ki kali kiba ïaid na Aitnar (Wahthlumoo) kin rung na Pohmusiang bad mih na Community Hall (Khlieh Ummyntong) ka surok mar pyrshah ka Aitnar.
