Nongstoiñ, Naiwieng 21: Ka Hynñiewtrep Youth Council Mawshynrut Circle, ha ka sngi nyngkong ka la ïoh ban ïakynduh ïa u Minister jong ka tnat Bording bad C&RD Block, u ba la wan hiar sha Mawshynrut, ha kaba ka la ïoh ban ïa kren shibun ki jingeh ba ka dong ka thaiñ bad ki bynta kiba kongsan jong ka dong ka thaiñ Mawshynrut Civil sub division bad ban wanrah ïa ki jingmyntoi jong ka dong ka thaiñ.
Ha ka jingïakren ryngkat ka jingthoh, ka seng ka dawa ban thung noh da u SDO ba pura jong ka MePDCL Mawshynrut division. Ban plie noh ïa ki Sub station Umsohpieng bad ha Shahlang, namar ïa kine ki substation na ka liang ki paitbah jong ka thaiñ ki la thrang ban plie, khnang ba ka rukom ai jingshakri kan long kaba janai bad kham suk ïa ki paitbah nongshong shnong.
Ka seng ka dawa ban buh noh kham bun ki lightmen bad muster roll ban trei ha line bapher bapher ki don hapoh Mawshynrut, namar ki area ki don ha Mawshynrut ka ba ïar bha ka la eh ïa ki nongtrei kiba don tang khyndiat ngut. Ka long ka jingeh ïa ïa ki lightmen khamtam ha ki por lyiur ha ka jingkyllon ki dieng ki siej hapoh ka thaiñ.
Shuh shuh, ki Saw Shnong kynthup ïa ka Nongmisei, Nongkabur, Nongumkap bad Porthnang, ki kwah ban tan ïa ka bording electric jong ki na ka line Nongjri, Mapaier, Nongmisei haduh Nongumkhap kiba hap ha ka Mawshynrut MePDCL Division. Ïa mynta kine ki 4 shnong ki tan ïa ka bording electric na ka line Mawdiang kaba jngai bad ki hap ïaid shaduh Noval Dibra, kaba hap ha South Garo Hills District ba ki hap ban leit siew bills bording electrik ne leit donkam ba ïadei bad ka bording electric.
Ka seng ka pynpaw ruh halor ka k jingbym don pura u Assistant Executive Engineer hapoh MePDCL hapoh Mawshynrut Division, ha kaba kane ruh kan ktah bha rukom ban pyn tyllun ïa ki kam jong ka light hapoh ka thaiñ.
Ka seng ka pynpaw ruh halor ka jingïoh tip ba ki don haduh 11 tylli ki transformer ha ki shnong kiba la duh. Kum ban shu kynmaw na jinglap jong ka seng, ynda lah duh ki transformer ka shim por ïa ka Department ban kan shna ne ban buh thymmai biang.
Na ka liang u Minister u ong ba yn sa shimkhia ïa ka bynta bad u la kyntu ruh ïa ki paitbah Nongshong Shnong ba ki dei ban siew tikna ïa ka Bill light, khnang ba lada duh ki transformer ka kham suk ïa ka department ban bujli thymmai ïa u transformer
Ka jingdawa na ka liang jong ka seng ka long ruh ban shna noh ka building ba thymmai na ka bynta ban shong u SDO jong ka MePDCL Mawshynrut division. Ka jingud ki paitbah halor ka jingduh khah khah ka bording electric ha kine ki bnai ba lah dep, ka la ktah shikatdei ïa ki paitbah haba ki wan donkam hapoh ophis C&RD Block Mawshynrut.
La dawa ban buh noh da ka Generator ka ba thymmai, khnang ba ka rukom ai jingshakri kan long kaba janai. Na ka liang u minister u lah kular ba un sah shimkhia ïa kine ki jingdawa jong ka seng
Ka seng ka ai khublei ruh ïa u MLA ba do nburom ba u lah shimkhia ban wanrah ïa u Minister jong ka Power bad C&RD block ban peit bad khmih ïa ki jingdonkam jong ka dong ka thaiñ ka donkam. Na ka liang jong ngi ka seng ka kyntu ruh ïa u MLA ba un buddien ïa kine ki mat jingdawa jong ka seng.
