Shillong, Risaw 30: Ka Nongrum Social & Cultural Sports Association Mawphlang shen kan sa pynlong biang ïa ka lympung lehkai phutbol kaba la tip kum ka 33rd Christmas Shield Football Tournament bad ïa kane ka lympung yn pynïakhun ha Madan Lyngktop Mawphlang.
Ha kaba ïadei bad kane, na ka liang jong ka seng kala kyrpad ïa ki Sports Club bad ruh ïa ki kynhun shimet kiba kwah ban shimbynta ha kane ka lympung ki lah ban phah ïa ka bai rung (Entry Fees) shuwa ka 10 tarik Naiwieng, 2023. Shuh shuh, ka bairung na bynta kawei ka kynhun ka long Rs. 3,000/- (Lai hajar tyngka), bad na bynta ki jingtip ba kham bñiah la kyrpad ban phun ha kine ki nombar-9366989475, 7421934059, 9863828205 lane leit ïakynduh ïa u trai jong ka Naphi Sport G.S-Road Motphran.
Shuh shuh, ka seng ka la pynbna ruh ba ka kynhun ba rah ïa ka namlahduh kan khur ïa ka song tyngka kaba haduh Rs. 40/000/- (Sawphew hajar) tyngka, katba ka kynhun kaba wan ha ka kyrdan ba ar kan ïohpdiang ïa ka song tyngka Rs.15,000/- (Khatsan hajar) tyngka.
Kane ka long katkum ka kyrwoh ba la phah da u President jong ka Seng, u Bah R.G. Syiem halor ka jingthmu pynlong biang ïa kane ka lympung.
