Jowai, Naitung, 16: Kawei ka kali Maruti Van kaba don ïa u Regn Number ML04-A8136 kaba la ñiah da u Banrilang Ryndong, na ka shnong Moodymmai kala shah tynrah markhmat ha kawei ka Trok ka bym pat lah ban tipr namar ba ka la phet krad mar dep tynrah.
Katkum ka jingïathuh jong ki briew ki ïohi ïa kane ka jingjia kila ïathuh ba katei ka Trok kaba ïaid wrong side kaba wan na liang liang Mukhla ka la tynrah markhmat ïa katei ka kali Maruti Van kaba thmu leit sha Mukhla. Kane ka jingjia kala jia ha ka por 3:40 PM ei ei, hajan ka Petrol Pump Indian Oil, Mukhla, shwa ban poi jingkieng Tluhmulong.
Kane ka Maruti Van kadei kaba long trai da u ma W. Pariat, kaba kit ïa ki syndukkot ba la wanrah na Moodymmai ban leit buh sha Mukhla. Ha kane ka kali la don tang utei hi u nongñiah. Une u nongñiah u la mynsaw bad la leit pynkit ïa u mar mar sha Ummulong CHC ban ïoh jingsumar.
La ïathuh ba kham hadien ïa katei ka Trok kaba don ïa u registration number AS 01-MC 0527 la ïoh ban bat da ki Pulit ha Thanat Ummulong.
