Nongpoh, Naitung, 16: U District Magistrate, ka Ri Bhoi District, Nongpoh katkum ka kyndon aiñ 163 jong ka Bharatiya Nagarik Suraksha Sanhita, 2023 bad na ka bynta ka jingbit jingbiang jong ki paidbah u la pynmih hukum ban khang ha kaba die ïa ka umphniang petrol bad ka umphniang diesel ha ki klong ne ki bilor sha ki paidbah ha baroh ki petrol pump kiba don hapoh ka Ri Bhoi District.
Katkum ka hukum ba u DC u la pynjari la mana ba kino kino ki briew kiba pynkheiñ ïa kane ka hukum kin hab ban shah pynngat ha ka aiñ katkum ka kyndon 223 jong ka Bharatiya Nagarik Suraksha Sanhita, 2023.
Ïa kane ka hukum la pynmih ruh namar ka jinglong jingman haka district bad kan treikam noh mardor naduh ba la pynmih ia ka jingpynbna.
