Shillong, Lber 17: Ka khubor ba la ïoh na ki pulit la ïathuh ba u Nurul Hoque u la phah ka jingujor ba ha ka mied jong ka 11 tarik mynta u bnai, ki runar bym lah ban ithuh ki la tuh ïa 2 tylli ki computer bad kawei ka UPS na Magurmari Govt., Girls UP School (WGH).
Ha kawei pat ka jingjia ki pulit ki la ïathuh ba u Walseng G Momin u la phah ka jingujor ba ha ka 12 tarik mynta u bnai ha ka por 4 baje janmied, ki runar bym lah ban ithuh ki la tuh ïa ka scooter jong u kaba don u nombar ML-13A-6891 na Bajengdoba Weekly Market (NGH).
Shuh shuh na ka liang ki pulit ki la ïathuh ba Asst. EE, MePDCL, Mendipathar Revenue Sub-Division la phah ka jingujor ba ha ka 5 tarik mynta u bnai ki runar bym lah ban ithuh ki la tuh ïa ki 4 tylli ki HT poles, nangta kumba 33 tylli ki disc insulator, kumba 25 tylli ki pin insulator, nalor kiwei kiwei ki tiar, na kiba bun ki jaka kiba don hapdeng ka Dainadubi bad 7th Mile (NGH).
