Shillong, Nohprah 15: Ka khubor ba la ïoh na ki pulit la ïathuh ba u Aynul Haque Talukdar ba la 31 snem ka rta u la phah ka jingujor ba ha ka 5 tarik mynta u bnai ki runar bym lah ban ithuh ki la tuh ïa ka thuk thuk jong u kaba don u nombar ML-05Z-9312 napoh ka shnong Nongjri (SWKH).
Ha kawei pat ka jingjia ki pulit ki la ïathuh ba ha ka 9 tarik mynta u bnai haka por kumba 10 baje mynmied, hadien ka jingïoh ka jingtip kaba thikna, ki pulit ki la khang kdong ïa kawei ka kali kaba don u nombar ML-05Y-2945 bad ïa uwei u ba shong hapoh ka kali uba kyrteng u Darbalpuia Darlong ba la 56 snem ka rta ha Umiam, NH-6 (RB) bad ki la kurup haduh 5 tylli ki synduk sabon ba don u suba drok ba khia kumba 55.49.
Shuh shuh ha kawei pat ka jingjia ki pulit ki la ïathuh ba u Liu Chiang Ch Marak u la phah ka jingujor ba ha ka 11 tarik mynta u bnai ha ka por kumba 11.40 baje mynstep, laingut ki briew kiba kyrteng u Sukur Ali ba la 18 snem ka rta, u Sakirul Islam ba la 21 snem ka rta bad u Akirul Islam ba la 19 snem ka rta, ki la shah bat katba ki dang tuh ïa ki battery napoh u mobile tower na Chengkompara, Ampati (SWGH). Hynrei uwei napdeng jong ki, u la ïoh ban lait phet.
