Shillong, Nohprah 15 : Ka MIT University of Meghalaya, ha ka 14 tarik mynta u bnai ka la pynkup burom ïa ki samla pule kiba la pyndep ïa ki jingpule jong ki.
Ha ka jingkren sdang, u Vice Chancellor Dr. Malhar Pangrikar u la ai ka jingïaroh ïa ki samla pule kiba la pyndep ïa ka jingpule na katei ka skulbah. U ai ruh ka burom ïa u Executive President jong ka MIT Group, u Dr. Sunil Karad uba la lah ban kyntiew ïa katei ka skulbah sha ka kyrdan kumba ka long mynta.
“Kum ka MIT University Meghalaya ym tang ba ngi pynwandur ïa ka jingim jong ki ha ka jingpule hynrei ngi ïarap ruh ïa ki ba kin long ki samla pule kiba shemphang bad kiba shait ba khlaiñ,” u la ong.
Shuh shuh u la pyntip ba ki samla pule kiba mih na katei ka skulbah mynta ki la shah khring ha ki kompeni kiba hehkum ka Tata Motors, Cholamandalam, Hilton Embassy bad kiwei kiwei.
Nalor u Bah RV Warjri uba donlangha kaen ka sngi kum u Symbud Kongsan la don lang ruh u Hailu Demissie na ka Embassy jong ka Federal Democratic ka Ethiopia bad u Hannington Kananura bad Balunywa Baker High Commission jong ka Uganda, kiba la ai lang ka jingkitbok ïa ki samla pule kiba la pyndep ïa ki jingpule.
