Shillong, Lber 20: Ka khubor ba la ïoh na ki pulit la ïathuh ba ka kong Dilomera Kharwar ka la phah ka jingujor ba hapdeng ka miet jong ka 12 & 13 tarik mynta u bnai, ki runar bym lah ban ithuh ki la tuh 8 tylli ki masi kiba long trai jong kaba shi para jong ka napoh ka shnong Shaid Shaid Umoit (SWKH).
Ha kawei pat ka jingjia ki pulit ki la ïathuh ba u Bah Minot Pale u la phah ka jingujor ba ha ka 16 tarik mynta u bnai, la lap ïa ka metïap jong u para jong u u Chawas Pale ba la 72 snem ka rta ha kaba la lap na kawei ka pung kaba long trai da u Bah Elias Muksor kaba ha Mootha Mynsngat (WJH), kaba u la trei. La kynnoh ba u tei uba la khlad la ïathuh ba u la jah napoh ka jaka trei jong u naduh ka 9 tarik mynta u bnai, 2025. Ha kaba ïadei bad kane ki pulit ki la kem noh ïa u Bah Seinlangki Tariang ba la 34 snem ka rta.
