Shillong, Jymmang 06: Ka khubor ba la ïoh na ki pulit la ïathuh ba ka kong Angeliaca Nongrum ka la phah ka jingujor ba ha ka 2 tarik mynta u bnai, ki runar bym lah ban ithuh ki la tuh ka scooter jong ka kaba don u nombar ML-05AG-8016 na Jail Road, Shillong.
Shuh shuh ha kawei pat ka jingjia u Bah Khim Sunar u la phah ka jingujor ba ha ka 3 tarik mynta u bnai ha ka por kumba 7 baje mynstep, ki runar bym lah ban ithuh ki la tuh ka thuk thuk jong u kaba don u nombar ML-05AG-7502 na Upper Mawprem, Shillong.
U Madhab W Sangma u la phah ka jingujor ba ha ka step jong ka 3 tarik mynta u bnai, ki runar bym lah ban ithuh ki la tuh ka scooter jong u kaba don u nombat ML-05AE-6231 najan jaka sah kaba ha 1st MLP Bn., Mawïong, Shillong.
Ha kawei pat ka liang u Bah Eliel Randall Rani u la phah ka jingujor ba ha ka 3 tarik mynta u bnai ha ka por kumba 8 baje mynstep, ki runar bym lah ban ithuh ki la tuh ka scooter jong u kaba don u nombar ML-05Y-1246 na Mawlai Nongkwar, Shillong.
