Shillong, Jymmang 06: Ka khubor ba la ïoh na ki pulit la ïathuh ba u Chandra I Nongbri u la phah ka jingujor ba ha ka 1 tarik mynta u bnai ha ka por 9.20 baje mynmiet, hadien ba la ïoh ki jingujor na ki nongshong shnong shaphang ka jingdie kiad beaiñ, ki dkhot ka VDP bad ki volunteer jong ka shnong na Wahingsyiem Smit (EKH) ki la leit sha ka jaka sah jong uwei u briew uba kyrteng u Aibor Manik Mawthoh ha ka shnong ban tohkit shaphang kane ka kam; hynrei u Bah Aibor Manik Mawthoh u la ktah kti ïa ki VDP volunteer, da ka wait.
Ha kawei pat ka jingjia uwei u nongshong shnong ka East Khasi Hills u la phah ka jingujor ba ha ka 4 tarik u bnai, jylliew 2020, ki runar bym lah ban ithuh ki la sei ka pisa kumba T. 18,000/- napoh ka ATM card ha Mawsynram (EKH), khlem ka jingtip jong u.
