Shillong, Jymmang 06: Ka khubor ba la ïoh na ki pulit la ïathuh ba u Bah Tomanbha Lyngdoh ula phah ka jingujor ba ha ka 2 tarik mynta u bnai ha ka por 8 baje mynmied ki runar bym lah ban ithuh ki la prong hapoh ka ïing jong u kaba ha Umshing, Mawkynroh, Shillong bad ki la tuh lai tylli ki shower mixtures, kawei ka waste coupling, bad kawei ka cistern control plate, bad 4 tylli ki bib cocks, nalor kiwei pat ki tiar kiba shongdor kumba T. 1.25 lak.
Ha kawei pat ka jingjia ki pulit ki la ïathuh ba u Abhishek Sah u la phah ka jingujor ba ha ka mied jong ka 3 tarik mynta u bnai, ki runar bym lah ban ithuh ki la tuh ïa ka thuk thuk jong u kaba don u nombar ML-05AD-0742 na Bivar Road, Shillong.
Shuh shuh na ka liang jong ki pulit ki la ïathuh ba u Coy-Commander, 193rd Bn., BSF, BOP Dangar (EKH) u la pyntip ba ha ka janmied jong ka 3 tarik mynta u bnai ki pulit bad ki BSF ki la ïoh bat ïa arngut ki nong Bangladeshi kiba la ithuh kyrteng da Pavitra Das ba la 35 snem ka rta bad u Popul Barman ba la 33 snem ka rta katba ki dang jam sha u pud u sam jong ka India na Sonatola (EKH).
