Shillong, Jymmang 06: Na ka liang jong u Chairperson, Provisional Town Vending Committee & Chief Executive Officer, Shillong Municipal Board la pyntip ba ka Provisional Town Vending Committee ka la dep ban pynlong ïa ka jingjurip ha kiba shong dukan ha surok kiba hab ha Shillong Municipality kumba la bthah ha ka Section 3 (1) jong ka “The Street Vendors (Protection of Livelihood and Regulation of Street Vending) Act, 2014, bad kaba ïadei bad ka “The Meghalaya Street Vendors (Protection of Livelihood and Regulation of Street Vending) Schemes 2023”.
Ïa ki syrnot jong kito kiba la lah ban die jingdie ha madan kum ha Khyndai Lad ki la don ha office jong u Chief Executive Officer, Shillong Municipal Board.
Ha kaba ïadei bad kane na ka liang jong u CEO, Shillong Municipal Board u la kyrpad ïa baroh kito kiba la lah ban die ïa ki jingdie ha surok kum ha ka thaiñ Khyndai Lad ba kin wan shim ïa ki Certificate of Vending (COV) na ka ophis Chairperson, Provisional Town Vending Committee, Shillong, ha ki kynta treikam jong ka ophis.
