Shillong, Nailar 25: Ka khubor ba la ïoh na ki pulit la ïathuh ba uwei u nongshong shnong ka Nongmensong, Shillong u la phah ka jingujor ba ha ka 23 tarik u bnai Jylliew u la shim wai kawei ka ïing ha Laitkor, Shillong bad u la dep ruh ban siew sha u trai ïing kaba pisa advance kumba T. 10,300/-. Hynrei ha ka 20 tarik u Naitung, 2024, utei u trai ïing u la pyntip sha u ba ka jingmaramot ïa ka ïing ka dang bteng bad um shym la pynphai shuh ïa katei ka pisa kaba u la dep ban siew advance.
Ha kawei pat ka jingjia ki pulit ki la ïathuh ba uwei u nongshong shnong ka nongbah Shillong u la phah ka jingujor ba ha ka 9 tarik mynta u bnai, u la lap ba ki briew bym lah ban ithuh ki la plie ïa ka Bank account beaiñ ha ka kyrteng jong u bad pyndonkam ruh ïa ki kot ki sla jong u bad kumjuh ruh ïa ka mobile number jong u khlem ka jingmynjur jong u bad ki la sdang ban shim ïa ka ram ha ka kyrteng jong u.
Shuh shuh ha kawei pat ka jingjia ki pulit ki la ïathuh ba u Bah B Myrthong u la phah ka jingujor ba hapdeng ka mied jong ka 21 bad 22 tarik mynta u bnai, ki runar bym lah ban ithuh ki la tuh ïa ka thuk thuk jong u kaba don u nombar ML-05S-8440 napoh ka ïing sah jong u kaba ha 5th Mile, Upper Shillong.
