Nongstoiñ, Jylliew 27: Saw tylli ki kali jong kawei ka kompeni ba pynshna ïa ka surok na Nongstoiñ sha Wahkaji, ki la shah thang dusmon ha ki briew ki bym lah ban tip satia hynne ka step phyrngap.
Kine ki kali ki dei jong ka kompeni ba la tip kum ka Joint Stock Company Industrial Association kaba dei na Nongbah Delhi.
U Project Manager ka kompani Satish Kumar u la pyntip ba kane ka jingjia ka la jia ha ka por kumba 4:15 baje eiei mynstep ha ka jaka sah jong ki Nongtrei kaba don ha ka shnong Ladweitang.
Kine ki kali ki kynthup ïa kawei ka Maruti Gypsy, kawei ka Boler Pickup, bad kawei ka Mahindra XUV.
U Satish u ïathuh ba ki Nongtrei ki la ïohi ïa kane ka jingshah wiang ding ki kali bad mar mar ki la ïa mih paidbah ban tem ïa ka ding. Ha kane ka jingjia ym shym la don satia kano kano ka jingmynsaw ki briew.
La ïathuh ba nalor kitei ki lai tylli ki kali, ki runar ki la thang dusmon ruh ïa kawei ka kali puh shilum jong ka kompani kaba pynieng ha ka shnong Mawthungkper. Kane ka jingjia ruh ka la jia hynne ka step phyrngap.
U Project Manager u la ïathuh ruh ba ka jingjulor jong ki kali ha kane ka jingshah wiangding ka la kot palat klur tyngka bad na ka liang jong ka kompeni ka ladep ujor da ka ejahar ha Nongstoiñ Police Station.
