SHILLONG, Naitung 27: Ka Meghalaya State Olympic Association (MSOA) lyngba ka kyrwoh hynne ka sngi Nyngkong ka la pynbna ba ka ‘Sohra International Half Marathon’ ka la shah pynskhem kum ka dkhot jong ka Association of International Marathons and Distance Races.
ïa kane la pynthikna hadien ba ïohpdiang ïa ka syrnod jinglong dkhot lane Certificate of Membership kaba pynshisha ba ka Sohra International Half Marathon ka dei ka dkhot jong ka Association of International Marathons and Distance Races (AIMS) ha ryngkat ka jingsoi na u President ka AIMS, u Paco Borao.
ïa kane ka jingïakop mareh la pynlong man la u snem da ka MSOA, ha ka jingïatrei lang bad ka Meghalaya Athletics Association (MAA), ryngkat ka jingkyrshan jong ka tnat Directorate of Sports ka sorkar Meghalaya.
Mynta u snem kane ka jingïakop mareh la buh ban pynlong ha ka 04 tarik Nailur.
