Shah pynkup burom 6 ngut ki samla donsap na ki jylla ka thaiñ North East

Guwahati, K’Lyngkot 13 : Ka Dalmia Cement (Bharat) Limited kaba dei ka karkhana pynmih dewbilat ba paw khmat ka Ri India bad ka nongïatrei lang ba radbah ka Dalmia Bharat Limited (DBL), ka la rakhe ïa ka jingdap 11 snem jong ka ha ka thaiñ North East ha ryngkat ka jingjop.
Naduh ba la sdang ïa ka, ka Dalmia Cement ka la mih paw kum kaba lam khmat ha ki ïew ha North East, da kaba don ïa ka bynta ba kongsan ha ka ban kyntiew ïa ka roi ka par ha ka thaiñ. Ryngkat ar tylli ki jaka shna dewbilat bad ar tylli ki jaka tylliat, ka don ïa ka bynta kaba heh duh ban shna dewbilat da 5.6 MnT.
Kum ka jingrakhe ïa ka jingdap snem, ka Dalmia Cement ka la pynlong ïa ka jingsam khusnam kaba la tip kum ka ‘Young Achievers Award’ ba man la u snem, ha kaba 6 ngut ki samla donsap ka thain North East ki la shah pynkup burom. Ïa kine ki khusnam la sam da u Padmanav Chakravarty, Regional Manufacturing Head, North East nalor kiwei pat ki heh ophisar.
Ïa kiba la jied pynkup burom la shim na ka jinglah jong ki ban leh bha ha ki kam bapher bapher kum ki jingïalehkai sports, ki phlim, ka put ka tem, ka science, ki jingseng kam khaii bad kam ai jingshakri dalade hi
Ha une u snem kiba la shah pynkup burom ki long ha ki kynhun bapher bapher.
Ha ka thup Innovation (Technology) la ïoh da u Prakash Sutradhar na ka jylla Assam, nangta ha ka liang ka Sports (Archery) la ïoh da u Tutumoni Boro na Assam, ha ka kam shna phlim la ïoh da u Dominic Sangma na Meghalaya, ha ka liang ka Sports (Volleyball) la ïoh da u Prathana Gogoi na Assam bad ha ka thup ka rwai ka siaw la ïoh da u Taba Chake na Arunachal Pradesh bad ha ka Sports (Athlete) la ïoh da u Mehdi Hassan na Assam.