Shah ktah ka leit ka wan ki paidbah namarka jingtwa khyndew twa maw kaba jyrsieh ha surok NH ha tunel ha Sonapyrdi EJHD

Khliehriat risaw 13: Ki paidbah nongleit nongwan kiba dei ïaid lyngba na ka surok national highway na Umkiang-Sonapyrdi, East Jaiñtia Hills District sa shisien ki la ïa kynduh jingeh biang ha ka leit ka wan na ka daw ka jingtwa ka khyndew bad jingtwa ki maw kiba la wan hap bad tap ïa ka surok da ka jyrsieh kaba tuid pathar ha surok haduh ba ki kali kim lait shuh ban ïaid bad kane ka la wanrah ïa ka jingdheng kali kaba jur bha ha katei ka thaiñ ha Sonapyrdi.
Ki khubor ba la ioh lum ki iathuh ba kane ka jingtwa ka la jia naduh mynne dang step ha ka por kumba 9 baje mynstep bad da ka jing shim khia ki nongtrei ka NHAI la lah ban pynkhuid ïa ka surok ha kaba ki kali ki la lait ban iaid ha ka por 12.15 myn sngi.
Na ka liang ki pulit jongka Umkiang PP bad ki pulit jong ka Lumshnong Police Station ruh ki la shim khia bad ki la don ryngkat lang ha katei ka jaka ba twa ba jur ka dheng kali .