Nongstoiñ, Naiwieng, 12: Ki pulit jong ka ANTF West Khasi Hill hynnin ka miet sngi thohdieng ha ka por kumba 9:30 ei ei, ki la ïoh ban kurup kumba 11 gram u drok heroin, 60 gram u kynja, kawei ka mobile phone bad ka pisa kumba 1510 tyngka ei ei, na uwei u runar ba la tip kyrteng u Teiborlin Lyngdoh Marshillong ba shong ba sah ha Themiew New Nongstoiñ.
Katkum ka khubor na ki heh pulit la ïathuh ba ka jingïoh kem ïa une u snar nongkhaïi drok, ka dei hadien ka jingïai tohkit bad ïai thwet ïa kine ki briew kiba ju pyrshang na ka por sha ka por ban pynphriang ïa u drok ha Nongstoiñ, Na ka liang ki pulit hadien ba ki la kem ïa utei u runar, ki la pynngat ruh ïa u ha ki kyndon jong ka NDPS act.
