Shillong, K’Lyngkot, 02: Ki Pulit ka Lum Dieng Jri Police Station kiba la ïoh pdiang ïa ka ejahar halor ka jingjia pluh ding ha phyllaw jong kawei ka ing kaba don ïa u nombar 70 JB. Cantonment, Jhalupara ki la register case hapoh ka Section 435/436/506 Indian Penal Code (IPC) ha kaba saw tylli ki Scooty kiba pynieng ha phyllaw ki la kem ding.
U Kyrwoh ba la phah da u Superintendent of Police ka East Khasi Hills Bah Sylvester Nongtnger, u la pyntip ba ki Pulit kiba la pynlong ka jingtohkit bad ka jingthwet kaba jur ki la ïohkem ïa uwei u briew uba donkti ban wiang ding kat haduh ba ki Scooty bad ki dukan kiba don markhap ki la julor.
Ka jingtohkit pyrshah ïa uba donkti ka la ïaid shakhmat shwa ban pynngat hapoh ki kyndon jong ka aiñ.
Kum ban shu pyntip hangne, ha ka 28 tarik, Nohprah, 2023, ha ka por kumba 2 baje mynstep ka phyllaw jong ka ing House No. 70 JB. Cantonment, Jhalupara ka la kem ding kynsan ha kaba saw tylli ki Scooty kiba don ïa u nombar ML-05-A-2201, ML-05-R-1523, ML-10-A-3806, ML-05-N-7063 kiba pynieng ha phyllaw iing ki la kem ding.
