Shillong, K’lyngkot, 02: Uwei u snar khaïi drok u la shah kem ryngkat bad u drok ha East Jaiñtia Hills District h aka sngi Baar.
Ïa une uba la shah kem la ithuh kyrteng kum ku Afjal Hussain Borbuhain. La kem ïa u Borbuhain katba u dang kit u jingdih beain ha kawei ka kali kaba wan na Silchar, Assam.
Ïa u drok ba la thep bha ha ki 66 tylli ki synduk thep sabon la lap napoh ka kali.
Ha ka jingleh test, la pynshisha ba u dei u drok uba khia 655 gram, ong ki Pulit. Ki Pulit ki la register case ha Khliehriat PS bad ka jingtohkit ka dang ïaid shakhmat.
